I ftohti i acartë i ditëve të fundit, i shoqëruar me reshje bore e ngrica në të gjithë vendin, ka sjellë edhe ngrirjen e disa lumenjve.
Lumi Fan i Madh ka ngrirë totalisht dhe në zona të caktuara ngrica ka krijuar pista akulli.
Temperaturat nën zero kanë ngrirë edhe sipërfaqe të mëdha të lumit Kir, në Shkodër. Sipas banorëve të zonës, kjo është një ngjarje e rrallë që nuk ndodhte prej 32 vjetësh. Sipas të vjetërve, një situatë e tillë kishte ndodhur vetëm në dimrin e vitit 1985.
Edhe ujërat e lumit Drin në Lezhë kanë ngrirë, aq sa mbi shtresën e akullit mund të qëndrojnë edhe njerëzit.
Edhe në një pjesë të lumit Osum në Berat, ka nisur formimi i shtresave të akullit, një fenomen ky i pazakontë sipas banorëve të zonës.
Ditëve të fundit, Shqipëria, ashtu si e gjithë Europa, është përfshirë nga temperatura shumë të ulëta, që në zona të caktuara e ka kaluar edhe -20 gradë celcius. Deri tani 4 persona kanë humbur jetën si pasojë e këtyre temperaturave polare. (A.R/SHUPLAKA)
[ngg_images source=”galleries” container_ids=”688″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post