Nuk ndodhte që prej vitit 2009. Mbahen zgjedhjet pas shumë kohësh në vendin e Lindjes së Mesme

Pas pothuajse një dekade, në Liban mbahen zgjedhjet parlamentare.

Për herë të fundit, zgjedhjet janë zhvilluar në vitin 2009. Pavarësisht se mandati ishte 4-vjeçar, Parlamenti zgjati dy herë afatin e qeverisë për shkak të paqëndrueshmërisë në Sirinë fqinje si dhe për të reformuar ligjet e vendit duke ndryshuar sistemin e votimit.

Megjithatë këto zgjedhje kanë edhe të tjera zhvillime të reja. Për herë të parë këtë herë, është është zvogëluar numri i qarqeve dhe është lejuar votimi i emigrantëve.

Hezbollahu, që konsiderohet organizatë terroriste nga SHBA, kërkon që të rrisë përfaqësimin e saj në Parlament. Sipas BBC, rezultatet zyrtare të votimit pritet që të dalin të hënën ose të martën, por analistët në vend presin që projeksionet e para të dalin mbrëmjen e së dielës.

Në nëntor, Kryeministri aktual Saad al-Hariri shkaktoi krizë politike në vend, kur u largua drejt Arabisë Saudite dhe njoftoi dorëheqjen e tij në një fjalim televiziv, ku thoshte se dyshonte që përpiqeshin të vrisnin.

Dy javë më vonë revokoi dorëheqjen e tij, pasi bisedoi me Presidentin Michel Aoun dhe në Dhjetor tërhoqi krejtësisht vendimin e tij.