Drejtuesja e misionit të OSBE-së për vëzhgimin e zgjedhjeve lokale të 30 qershorit në Shqipëri, Audrey Glover paraqiti gjatë një conference më gazetarët planin e punës së delegacionit të mbërritur në vendin tonë dy ditë më parë.
Pyetja që gazetarja e Fax News, Ambrozia Meta i bëri Gloverit ishte: Komuniteti ndërkombëtar dhe misioni ku bëni pjesë, nuk i ka njohur një palë zgjedhje në Shqipëri. Kanë qenë ato të vitit 1996. Ju keni qenë pjesë e ekipit të vëzhguesve. A ka ndonjë ngjashmëri mes atyre zgjedhjeve dhe konteksit aktual politik?
Glover u përgjigj: Nga ’96-ta ka kaluar shumë kohë dhe kam frikë se nuk më kujtohen të gjitha detajet. Unë them të vëzhgojmë këto zgjedhje. Është e nevojshme të shohim nga e ardhmja pasi janë më të rëndësishme se ajo që ka kaluar dhe ne jemi të fokusuar tek kjo gjë”, deklaroi përfaqësuesja e lartë e OSBE-së duke iu shmangur analizmit të situatës politike në vend dhe krahasimit të rrethanave të mësipërme.
Kujtojmë se Audrey Glover ka qenë në atë kohë kryetare e grupit të vëzhguesve të OSBE-ODIHR-it dhe raporti që ka publikuar ky grup më 2 korrik 1996 në mënyrë të qartë theksonte se: Konluzioni i komisionit vëzhgues është që Kodi Zgjehdor është shkelur në mënyrë flagrante. Në mënyrë specifike, 32 nene të Kodit nga 79 gjithsej për periudhën paraelektorale janë shkelur hapur. Janë shkelur gjithashtu 5 nga 9 nenet e Dokumentit të OSBE të Kopenhagenit, përfshirë nenet.
Të martën më 28 Maj, Misioni Vëzhgues i OSBE-ODIHR-it do të shpallte raportin paraprak. Pikërisht në këtë orë, politikanët e opozitës organizuar një manifestim demonstrues për të shpallur qëndrimin e tyre se vota ishte manipulur. Raporti final i vëzhgusve të ODIHR ishte dërrmues: “Zgjedhjet janë kompromentuar, nuk ka pasur asnjë rregull zgjedhor që nuk është shkelur”.
Glover u pyet gjatë konferencës edhe lidhur me përcaktimin e vendeve ku do të jenë të përqëndruar vëzhguesit duke cituar sidomos zonat lokale. Ajo u përgjigj: “Si në çdo zgjedhje do të shohim gjëra të tilla, apo intimidimi apo kërcënimi dhe ne do ti vëzhgojmë me imtësi këto raste. Në të njëjtën kohë zhvillohen edhe disa zgjedhje të tjera që vëzhgohen por ne do të bëjmë”.
Glover deklaroin gjithashtu: “Ne do të vëzhgojmë gjithë procesin zgjedhor dhe nuk mund të flasim gjatë procesit. Mënyra se si ne operojmë është se nuk i përmendim parregullsitë në momentin që i konstatojmë, përgatitet një raport dhe pastaj deklarohen të gjitha ato që kemi parë nga vëzhgimet.
Ne kemi mbërritur pardje dhe nuk kemi ndjerë ndonjë lloj paragjykimi, jemi respektuar dhe pritur shumë mirë nga Ministria e Punëve të Jashtme. Nuk është puna jonë për të ndërhyrë në situatën politike për të dhënë sugjerime”.
(F.GJ/FAXWEB.AL)
Discussion about this post