“Nuk parashikojmë dot kur do të bjerë shi, por parashikojmë me saktësi se pas vapës do të ketë tërmet”, ironia e gazetarit

Gazetari Lutfi Dervishi, ashtu siç bën shpesh herë ka ironizuar zhvillimet e fundit në vend politike por jo vetëm.

Deklarata e fundit e Sshemsi Prençit se pas vapës na pret rreziku i tërmeteve duket se i ka tërhqur vëmendjen Dervishit për ta renditur mes paradokseve të tjera që ka shkruar.

POSTIMI

Paradokse

Kryeministri fitoi zgjedhjet pasi i mbushi mendjen votuesve se gjatë katër viteve që ikën opozita nuk qeverisi mirë!

Parlamenti që do të kemi nuk do të jetë me deputet të zgjedhur, por me deputetë të emëruar!

Kemi votuar, për të zgjedhur të emëruarit!

Sot kemi dy parti në opozitë që kanë shumicën në qeveri!

Ministrat e opozitës vijojnë përgatitjet për raportin e zgjedhjeve, për të cilat opozita nuk ka shprehur asnjë ankesë (zyrtare)!

Raporti i OSBE- ODHIR për zgjedhjet pritet të jetë më kritik se ai i opozitës!

Njeriu më i kërkuar këto ditë është …lideri opozitës!

Në muajin korrik pati një protestë kundër qeverisë, në muaji gusht pak më pak….

Shohim zjarre çdo ditë, por njerëzit i ka marrë malli të shohin zjarrëfikëse!

Në rrugët e Tiranës nuk gjen dot 3 shitës ambulantë pa licensë, por kemi 173 pika karburanti pa licensë!

Nuk parashikojmë dot kur do të bjerë shi, por parashikojmë me saktësi se pas vapës do të ketë tërmet!

(B.H/Shuplaka)