Një pronar e njëherazi administrator i një firme mirëmbajtjeje është proceduar penalisht nën akuzën e “shpërdorimit të detyrës”.
Ai akuzohet se nuk pastroi dëborën dhe akullin në aksin rrugor Pogradec-Lin, duke u bërë shkak për vështirësi në qarkullimin rrugore dhe aksidente me dëme materiale. U krye ndalimi i shtetasit A. D. 59 vjeç, banues në fshatin Hudënisht, Pogradec.
Detaje nga Policia e Korçës
Procedohet penalisht për “Shpërdorim detyre”, administratori i firmës së mirëmbajtjes të aksit rrugor Pogradec-Lin.
Specialistët e Seksionit kundër Korrupsionit, në Drejtorinë Vendore të Policisë Korçë, filluan procedimin penal në gjendje të lirë ndaj shtetasit :
A.D, 59 vjeç, banues në fshatin Hudënisht, Pogradec.
Procedimi ndaj tij filloi pasi, ky shtetas duke qenë me detyrë pronar dhe administrator i kësaj firme, dyshohet të ketë shpërdoruar detyrën duke mos bërë pastrimin nga dëbora e akulli, në këtë aks. Për pasojë, janë shkaktuar vështirësi në qarkullimin rrugor, si edhe aksidente me dëme materiale në mjete.
Materialet i kaluan Prokurorisë të Rrethit Gjyqësor Pogradec, për hetime të mëtejshme.
(XH.A/SHUPLAKA)
