Një prej studentëve që ka qenë mbrëmjen e djeshme në Qytetin Studenti, dhe ka zhvilluar takim me kryedemokratin Basha, në një komunikim për Fax News është shprehur se ata kanë kërkuar që lideri i opozitës të njihej me kushtet ku ata jetonin.
Studenti shprehget se nuk kishte asgjë të jashtëligjshme në takim, ndërsa shton se nuk ka pasur asnjë akt dhune në drejtim të sportelistes, në ndryshim nga pretendimet që ngriti dje Bashkia e Tiranës.
“Ne kishim organizuar një takim me zotin Basha, për arsye që tashmë dihen, problmatikat që kanë konviktet në QS. Bëri një lloj buje, vetëm se pse ishte zoti Basha.
Zonja që ishte sporteliste, ndoshta dhe nën presion e personave të tjerë, e bëri bujë të madhe. S’ka pasur as shtyrje dhe asgjë, ne ishim me kryetarin e opozitës, që duhettë dijë problematikat që kanë këto institucione.
Ajo bërtiti që ne duhet të dilnim jashtë, dhe sipas saj ishte e paligjshme të futej zoti Basha, ndërkohë që ne kemi parë që të hyjnë brenda lloj lloj njerëzish.
Shumë prej studentëve u larguan nga presioni, nga frika, kaq mjafton për ta kuptuar si funksionon, ka kamera që mund të shihen të gjitha. Ne e respektuam zonjën dhe dolëm jashtë”, u shpreh studenti.
Ndërkohë që më herët pati një reagim dhe nga Basha, i cili tha se shqiptarët duhet ti japin fund frikës, dhe të mos bjenë pre e kërcënimeve.
