Andi Bushati i është rikthyer sërish dje diskutimeve në lidhje me zgjedhjen e kryprokurores së re në mënyrë të njëanshme nga ana e mazhorancës. Ai tha se Marku duke zgjedhur të betohej në ato kushte u përdor si një zhele, dhe nuk ka sesi të thojë që është e paanshme. Po ashtu Bushati shprehet se Marku do të jetë një kamikaze politike.
“Kur pranon të betohesh dhe në ato kushte skandaloze, ti je një zhele e përdorëshme, pra ti nuk mund të thuash që je njeri i paanshëm. Ai komision që u ngrit, ishte si komisioni që ngriti Saliu pas 21 janarit.
Deri sa pranoi të zgjidhet në atë mënyrë jo Lu dhe Vlahutin ta çertifikojë, nuk më bind sepse e tregoi veten që është kamikaze politike. Kur shoh që një njeri është kaq i gatshëm të përdoret, nuk mund të jetë garant i procesit”, u shpreh Bushati në studion e Ylli Rakipit.
Sipas Bushatit, zgjedhja e Markut me votat e mazhorancës, shërben edhe për të demotivuar prokurorët e tjerë.
“Suksesi i Edi Ramës nuk është që ka vënë Arta Markut, por i tregoi gjithë trupës së prokurorëve, që këtu jam unë që me 69 vota bëj dhe zhbëj emra, për nënpunësit që i intereson vetëm si e do muhabetin shefi, kuptojnë që këtu vendoska vetëm Edi Rama. Kjo e bën cdo njeri të tkurrur dhe të mos ketë guximin ti kundërvihet pushtetit”, vijoi më tej analisti argumentimin e tij.
(E.K/FAXWEB)
Discussion about this post