Bashkim Fino, deputeti i qytetit të Lushnjes, gjatë një takimi me qyetarët ku ishte i pranishëm dhe kryeministri Edi Rama ka deklaruar sot se kërkesat e opozitës janë të papranueshme.
Duke krahasuar kërkesat e opozitës me futbollin, Fino tha se pakica kërkon që të luajnë futboll, por që PS të mos fusë në lojë Kristiano Ronaldon (Edi Ramën).
“Opozita thotë hajde luajmë në fushë, por mos e fut në lojë lojtarin më të mirë, mos e fut Kristiano Ronaldon. U bënë zgjedhjet në mënyrë më të ndershme. U certifikuan nga OSBE dhe BE dhe tani pas një viti e gjysme na thonë që keni vjedhur zgjedhjet. Por çfarë zgjedhjesh kemi vjedhur ne?
Ne kemi marrë votat e PS-së për të zgjedhur kryeministrin Edi Rama. Ata vijnë në parlament dhe derdhin, bojë, derdhin miell, derdhin vezë dhe pastaj ikin. Ne kemi marrë mandatin për 4 vjet, ne do ta vazhdojnë qeverisjen dhe do zbatojmë reformat për 4 vjet”, tha Fino.
