Nuk pranuan të kontrolloheshin duke kërcënuar, ‘Shqiponjat’ arrestojnë dy të rinjtë në ish-Bllok

Skuadra “Shqiponja” ka arrestuar dy shtetas me banim në Tiranë teksa kryenin kontrolle në zonën e ish-Bllokut.

Dy të rinjtë nuk i janë bindur urdhërit të efektivëve që të kontrolloheshin madje edhe i kanë kërcënuar. këta të fundit.

Kaq ka mjaftuar që skuadra e specializuar e policisë ti vërë në pranga.

Të rinjtë kryenin veprime të pakontrolluara në zonën e ish Bllokut në orët e para të mëngjesit, kundërshtuan dhe fyen punonjësit e policisë të Patrullës së Përgjithshme të Komisariatit nr 2 duke mos ju bindur urdhrit për kontrollin e mjetit, por me ndërhyrjen e forcave “Shqiponjat”, vihen në pranga .

Njoftimi i Policisë: 

Nga Specialistët për Hetimin e Krimit të Komisariatit Nr.2 u bë arrestimi në flagrancë i shtetasve K.RR., 28 vjeç dhe R.P., 30 vjeç, banues në Tiranë.

Këta shtetas rreth orës 02:20 të mëngjesit të sotëm kanë kundërshtuar me veprime fizike, fyer e kërcënuar punonjësit e Patrullës së përgjithshme të Komisariatit nr 2 duke i penguar ata për të mos kontrolluar mjetin në të cilin qarkullonin, pasi kishin bllokuar rrugën dhe po bënin veprime të pakontrolluara ne zonën e ish Bllokut .

Materialet i kalojnë për veprime të mëtejshme Prokurorisë së Rrethit Gjyqësor Tirane, për veprën penale “Kundërshtim i punonjësit të policisë së rendit publik, kryer në bashkëpunim”.

R.G/FAXWEB.AL