Nuk i shkoi në dasëm, Rozana dhe Fiori tregojnë për herë të parë: U zumë për të mos folur më kurrë (Video)

Edhe pse ato i mohuan zërat fillimisht, ishte e qartë se Fiori Dardha dhe Rozana Radi për një periudhë kohe nuk komunikonin me njëra-tjetrën.

Fiori Dardha nuk e ftoi në dasmën e saj një vit më parë Rozana Radin, bashkëprezantuesen e saj në “Boom” dhe mikeshën prej 24 vitesh.

Portalet shkruan shumë për mungesën e Rozanës në dasmë dhe nga kjo nisi dhe aludimi se ato nuk ishin më mikesha gjë që rezultoi e vërtetë. Të ftuar në emisionin “Thumb” dy moderatoret kanë zbuluar se në atë kohë nuk kanë folur me njëra-tjetrën.

Rozana: “Fiori nuk më ftoi në dasmë. Të them të vërtetën nëse Fiori do më sillte ftesë do shkoja por do rrija 5 minuta sa për t’ja plasur shpirtin dhe do ikja prapë. Kur e kam uruar kamqenë e sinqertë. Kam qenë aty në çdogjë në jetën e Fiorit.”

Fiori:  “Është e vërtetë nuk e ftova në dasmë por nuk ftova as motrën time në dasmë, as familjarët e mi sepse njerëzit e afërm nuk kanë nevojë për ftesë. Gjëja që më ka acaruar më shumë është dedikimi që më bëri në Instagram.

Motra ime u mallëngjye ndërsa unë u acarova sepse unë kam numër telefoni, s’ka pse më uron në Instagram. Sot më vjen keq por vendosa që jo. Mu duk shumë e padrejtë mënyra si shoqëria jonë u shkëput dhe u kris. E gjithë ajo që ndodhi ishte diçka e importuar.

U pajtuam për emisionin. Kemi një kontratë të gjatë dhe do të ishte mëkat i madh nëse do i jepnim fund për një tekë tonën.”

Rozana tha se sherri mes tyre ka nisur për shkak se Fiori flet më shumë dhe ishte përpjekur që ta linte në hije për shumë kohë.

(E.K/FAXWEB)

https://www.youtube.com/watch?v=OOGZL8ujpAg