Po zhvillohet në stadiumin e ri “Air Albania Stadium”, ndeshja ndërmjet kombëtares shqiptare dhe Francës, ku dominojnë kampionët e Botës me dy gola në avantazh.
Ndërkohë ndeshja veç të tjerash ka pasur interes të madh edhe nga politika, ku një pjesë e madhe e qeveritarëve kanë pasur një vend të posaçëm në tribunat VIP.
Ministri i Brendshëm Sandër Lleshja, ka zgjedhur që në vend të tij të dërgojë në stadium efektiven Ina Nuku. Kjo sipas tij në si shenjë respekti për sakrificën e kësaj punonjëse të PS.
“Sot në këtë ditë të rëndësishme për futbollin shqiptar, preferova të dërgoj Ina Nukën në vendin tim në stadium, si shenjë respekti për sakrificën e kësaj punonjëse të PSH bashkë me urimet më të mira për gjithë sportdashësit shqiptarë, që sot si kurrë ndonjëherë më parë në historinë e futbollit janë mbledhur nën ngjyrat kuqezi për të përkrahur ekipin tonë kombëtar.
Rroftë Shqipëria!”- shkruan Lleshaj.
(M.Q/Faxweb.al)
