“Nuk u futa në Parlament për rrogën e qelbur”, shpërthen Brisi i tatimeve: Në një vend tjetër do të kishin nxjerrë me shpulla

Ish-drejtoresha e Tatimeve Brisida Shehaj ka kritikuar deputetin e sapo mandatuar nga radhët e LSI-së, Ralf Gjoni i cili deklaroi se nuk u fut në Parlament për “rrogën e qelbur” e konsideroi ai.

Me anë të një postimi ish-drejtoresha është shprehur se deputeti Gjoni po fyen taksat e Shqiptarëve  duke thënë se 1.6 mln dollarë neto i duken të qelbura në Shqipëri.

“Në daljen e parë si deputet ky individi fyen taksat tona duke thënë se 1.6 mln lekë neto na qenkan të qelbura në Shqipëri. Ky individi që i kushtoi LSI rezultatin më të dobët në Tiranë (njësia 3). Ky individi që na qenka me dy pasaporta dhe i shkolluar jashtë, ta kishte bërë këtë deklaratë andej e kishin nxjerrë me shpulla jashtë parlamentit. (Gjithsesi dhe këtë se ka problem ky se e ka të provuar). Mjerë taksat tona që i hanë deputetë parazitë.”