Kryeministri i Kosovës Ramush Haradinaj ka deklaruar se ai nuk është informuar për operacionin e djeshëm në Kosovë ku u arrestuan 6 shtetas turq dhe u deportuan për në Turqi.
Haradinaj ka njoftuar se të premtën, do të ketë shkarkime.
Këtë e ka thënë kryeministri në mbledhjen e djeshme të jashtëzkonshme, shkruajnë mediat në Kosovë.
“Me siguri po”, është përgjigjur ai, kur është pyetur nëse nesër do të shkarkohet dikush.
Mësohet se bëhet fjalë për shkarkimin e Ministrit të Punëve të Brendshme, Flamur Sefaj dhe Kryeshefit të Agjencisë së Kosovës për Inteligjencë, Driton Gashi.
Të deportuarit janë drejtues të shkollave private në Kosovë që financohen nga fondacione gyleniste. Ata janë identifikuar si: “Xhihan Özkan, Kahraman Demirez, Hasan Gynakan, Mustafa Erdem, Osman Karakaya dhe Yusuf Karabina”. (B.H/Faxweb)
