Është shtyrë seanca ku pritej mbyllja e hetimeve ndaj Admir Muratajt. Shkak për këtë është bërë fakti se prokuroria e Krimeve të Rënda nuk ka ende në dorë akt ekspertimet dhe certifikatën e vdekjes së Muratajt, që është etiketuar ndryshe dhe si koka e grabitjeve në Rinas.
Sipas prokurorit, çr’regjistrimi i Muratajt nuk është bërë ende në Tropojë, në vendin e tij të lindjes dhe se akt ekspertimet që vërtetojnë katërcipërisht vdekjen e tij nuk kanë mbërritur në organin e akuzës.
Kujtojmë se vdekja e Admir Muratajt është diskutuar gjerësisht në media, dhe në opinionin publik, pasi nuk kanë munguar pretendimet se ai mund të jetë gjallë. Shpallja e vdekjes së tij u bë pasi bashkëshortja kreu identifikimin e trupit në morg.
Procesi ndaj Muratajt të Krimet e Rënda, do të zhvillohej për 3 grabitjet e blindave në vitet 2015-2017, ku ai akuzohej si organizatori.
Seanca e radhës do të zhvillohet më 14 maj, ora 10:00, dhe deri atëherë sigurisht që në media do të ketë ende dyshime të ngritura.
(E.K/FAXWEB.AL)
Discussion about this post