Për shkak se Prokuroria e posaçme kundër korrupsionit dhe krimit të organizuar (SPAK) është në fazë tranzitore, janë bllokuar edhe seancat gjyqësore në Gjykatën kundër korrupsionit dhe krimit të organizuar (GJKKO).
Ndërkohë mësohet se kreu i GJKKO-së, Sandër Simoni, i është drejtuar me një shkresë kryeprokurorit të SPAK, Arben Kraja, ku i kërkon pjesëmarrjen e prokurorëve të posaçëm në seanca. Lajmi konfirmohet për Fax News, nga burime zyrtarë të GJKKO.
Sandër Simoni, i cili mban detyrën tranzitore si kreu i GJKKO-së, i ka dërguar një shkresë Arben Krajës ku i kërkon prezencën e prokurorëve të posaçëm në seancat gjyqësore, pasi kjo është dita e dytë që seancat gjyqësore nuk po zhvillohen.
