Tom Doshi është paraqitur ditën e sotme në Gjykatën e Lartë në kuadër të seancës gjyqësore që zhvillohet ku ai akuzohet për kallëzim të rremë me Mark Frrokun dhe Durim Bamin.
Sot pritej që të vendosej nëse çështja e tij do të trajtohej më vete apo bashkë me ta, por seanca nuk është zhvilluar.
Shkak i anulimit të seancës është bërë tërheqja e njërit prej anëtarëve të trupit gjykues të Gjykatës së Lartë. Mirela Fana është tërhequr nga hetimi.
Ajo u tërhoq disa ditë më parë, pasi nuk pranoi të deklarojë pasurinë. Gjyqtares së lartë Mirela Fana, e mandatuar në vitin 2009 si anëtare e kësaj gjykate, iu miratua dorëheqja nga mandati jo vetëm nga kreu i shtetit, por edhe nga kolegjet e bashkuara.
Me pretendimin se i duhet kohë për t’u thelluar në jetën akademike, gjyqtarja e lartë Fana ka dhënë dorëheqjen edhe nga depozitimi i formularit të pasurisë pranë ILDKPI, ndonëse nuk ka munguar plotësimi prej saj i formularit të karrierës pranë Këshillit të Lartë të Drejtësisë. (XH.A/SHUPLAKA)
Discussion about this post