Paqësore, demokratike dhe një rezultat që është drejt përfundimit kjo ka qenë panorama e zgjedhjeve në Kosovë. Dita e djeshme që ishte dhe koha kur kosovarët shkuan në kutitë e votimit ishte mjaft e qetë.
Nga ajo që raporton KQZ-ja e Kosovës pjesëmarrja e qytetarëve në votime ka qenë 41 për qind ose mbi 759 mijë qytetarë.
Ndërkohë që kur janë numëruar rreth 91% e kutive të votimit rezultatet paraqesin fitues koalicionin e Luftës, siç quhet ndryshe mes LDK-së, AAK-së dhe Nismës.
Në vend të dytë ndryshe nga ç’pritej është vendosur Partia e Vetëvendosjes, ndërsa vetëm të tretët është renditur koalicioni mes dy partive tradicionale LDK-AKR.
Koalicioni PDK-AAK-NISMA tashmë ka 34.97% të votave, e dyta është Vetëvendosja me 26.09%, të tretit janë koalicioni LDK-AKR-Alternativa me 25.63%.
Siç duket pas muajsh të mundimshëm dhe proceseve gjyqësore në Francë, Ramush Haradinaj po shkon i sigurt drejt postit kryeministror.
Lajmi i fitores së Haradinajt është pasqyruar dhe në mediat ndërkombëtare, ku më të frikësuarat duken të jenë mediat serbe.
Ato e thonë me gërma të qarta që fitoi krahu i Luftës. Kështu Blici serb thotë se “Terroristi i luftës” fiton zgjedhjet në Kosovë, duke nënkuptuar Ramush Haradinajn. (E.K/SHUPLAKA)
