Nusja e rrahu me okllai, të dyja gratë sërish në një çati edhe pas urdhrit të mbrojtjes (VIDEO)

Një ditë pasi mori urdhër mbrojtjeje në polici, e moshuara Sadete Gojani jeton në të njëjtën banesë me nusën që e dhunoi.

Zonja Gojani e cila jeton në fshatin Kasallë, që ndodhet pranë njësisë administrative në Kamzë, iu drejtua dje policisë duke akuzuar nusen se e ka rrahur me okllai, shkop petash.

Sot, në një prononcim për Top Channel, Sadete flet për herë të parë pas ngjarjes, ndërsa tregon edhe ditën e parë të kthimit në shtëpi.

 “Me prunë dhallë dhe byrek policët dhe pres që ata të vijnë dhe të më japin prap. Më goditi në kokë dhe rashë në tokë direkt”, rrëfen Sadetja. Ajo e pranon se të gjitha këto kanë ndodhur për shkak të varfërisë.

Ndërkohë, nusja e cila qëndron në dhomën tjetër, shprehet se pavarësisht se ekziston një urdhër mbrojtjeje ndaj vjehrrës, të cilës nuk duhet t’i qëndrojë afër, nuk ka ku të shojë tjetër.

 “Ku të shkoj me fëmijë?! Vetëm jam këtu!”, thotë nusja, Mimoza Lusha. “Ajo nuk më ka faj, vetëm të mos më ngasë dhe të mos më hyjë në hak! Burri im më ka marrë në qafë! Ai punon ku ka mundësi”, shprehet nusja.

Ndërkohë bashkëshorti i saj ndodhet në burg pasi para disa ditësh i rrahu të motrën. (D.D/Shuplaka)