Nusja helmoi vjehrrën, zbardhet dëshmia e hoxhës që e regjistroj

Është zbardhur dëshmia e hoxhës Hysen Shehu në Gjykatë. Tre ditë pas zbulimit të vrasjes së ndodhur një vit më parë të Lirije Lamit, nga nusja e djalit të saj Marjana Cmeta, tre personat e ndaluar për ‘moskallëzim krimi’ kanë dalë sot para gjykatës për masën e sigurisë.

Hoxha Hysen Shehu është shprehur në gjykatë se unë e regjistrova bisedën sepse duhet të hiqja çdo dyshim dhe nuk mund të qëndronim vetëm.

“Marjana më erdhi me gjithë familjarët. Unë do t’i bëja rukje (Shërim me kuran kundër syrit të keq dhe magjisë). Për të mos pasur keqkuptime vendosa ta regjistroj rrëfimin. Por feja nuk më lejon ta denoncoj”

Ndërkohë raportohet se 21 vjeçarja Marjana Cmeta ka qendrur e heshtur ne gjykatë dhe nuk ka folur.

Prokuroria ka kërkuar ‘arrest me burg’ për të 4 të arrestuarit.

Policia e Tiranës ka zbardhur ngjarjen e ndodhur më 30 prill 2017, ku është vrarë shtetasja L.L.

Pas hetimeve rezultoi se autore e dyshuar e vrasjes së kësaj shtetaseje, është shtetasja Marjana Cmeta, në atë kohë bashkëshortja e djalit të viktimës.

Agim Lami (bashkëshorti i viktimës), Arben Saliu (kushëriri i Agimit ) dhe Hysen Shehu kanë qenë në dijeni të ngjarjes se ndodhur dhe autorësisë së saj, dhe nuk kanë kallëzuar pranë organeve kompetente duke fshehur ngjarjen.

Shkak i vrasjes dyshohet të jenë mosmarrëveshjet e shpeshta mes autores së dyshuar dhe viktimës.

Në pranga janë vënë: 1. Marjana Cmeta, 21 vjeç, banuese në Tiran , për të cilën Gjykata e Shkallës së Parë për Krimet e Rënda ka caktuar masën e sigurisë personale “Arrest ne Burg“ për veprën penale “Vrasje për shkak të marrëdhënies familjare“, parashikuar nga neni 79/c i Kodit Penal.

2. Agim Lami, 50 vjeç, lindur e banues në Tiranë, për të cilin Gjykata e Shkallës së Parë për Krimet e Rënda ka caktuar masën e sigurisë personale “Arrest ne Burg“ për veprën penale “Moskallëzim krimi“ parashikuar nga neni 300/1 i Kodit Penal.

3. Hysen Shehu 45 vjeç, banues në Tiranë, për të cilin Gjykata e Shkallës së Parë për Krimet e Rënda ka caktuar masën e sigurisë personale “Arrest ne Burg“ për veprën penale “Moskallëzim krimi“ parashikuar nga neni 300/1 i Kodit Penal.

4. Arben Saliu , 41 vjeç, banues në Tiranë , për të cilin Gjykata e Shkallës së Parë për Krimet e Rënda ka caktuar masën e sigurisë personale “Arrest ne Burg“ për veprën penale “Moskallëzim krimi“ parashikuar nga neni 300/1 i Kodit Penal.

(M.Q/Faxweb)