Tre muaj përpara zgjedhjeve situata politike në vend duket e tensionuar, për shkak të bojkotit të parlamentit, të protestave, të Vettingut, kanabisit e shumë të tjera. Kjo normalisht nuk kishte sit ë mos mbetej pa vënë re nga gazetarja me shumë vite karrierë ,Trëndafile Visha.
Nëpërmjet një postimi në Facebook, Visha përmend lidhjen e gazetarëve me politikën, dhe ka një sugjerim goxha interesant për kolegët e saj: Disa të ikin me pushime në Hong Kong, e të tjerë të investigojnë në hotelin e shumëtëkërkuarit Klement Balili. Kjo sigurisht sipas përkatësive ideologjike dhe politike.
“Analistët dhe disa gazetarë të vijës së parë duhet të ikin 6 muaj me pushime në Hong Kong. Krejt për qef…
Gazetarë të tjerë të zellshëm të shkojnë në hotelin “Santa Quaranta” për një investigim 6 mujor…
Ndërsa, Rama, Meta dhe çadra të shkojnë tek berberi para se te vendosin për duel…”, shkruan gazetarja.
Visha ka një sugjerim edhe për popullin, të cilit i bën thirrjen që më në fund të vendosë vetë për veten dhe për Vettingun, çështjen më të diskutuar të muajve të fundit.
“Populli?! Ose të këndojë të ka lali shpirt, të ka lali xhan siç ka bërë këtu e 27 vjet. Ose të kapë demin për brirësh dhe të vendosë vetë për Vetingun…”, përfundon Visha. (D.D/Shuplaka)
