Mjaft i revoltuar ka qenë Panuçi në sqarimin e tij për mungesën e Cikallëshit, në konferencën para gazetarëve.
Ai ka ngitur disa herë zërin dhe ka sqaruar qartë: Kombëtarja duhet të vijë para të gjithave. Vetëm një problem familjar apo shëndetësor mund të justifikojë vonesën në grumbullimin me Kombëtaren.
Gazetari: Kërkesa e lejes është thyerje e disiplinës dhe lejes?
Panuçi: Avioni ishte në orën tetë të mëngjesit dhe mua më morën në orën nëntë. Kjo për mua është e papranueshme. Nuk mund të më bëjë për budalla. Ekziston emaili për të nënshkruar kontratën, është agjenti që mund të vijë nga Turqia. Ka mënyra të tjera për ta firmosur një kontratë.
Abrashi dhe Kukeli nuk mund të vinin për shkak të avionit që nuk kishte nga Zvicra, por kur e ke mundësinë për të ardhur dhe nuk vjen, qëndron në shtëpi.
Nëse një prej lojtarëve më thotë që kam djalin dhe duhet të shkoj në spital, atëherë mos të vijë të hënën po të mërkurën. Vetëm familja dhe shëndeti yt qëndrojnë para Kombëtares. Ti duhet të vish në grumbullimin e Kombëtares, dhe të merret agjenti me kontratën, merr edhe përqindje për këtë.
Nëse ndodh kjo me Shqipërinë, kombëtarja shkon në nivelin zero. Nuk ndodh që Diego Kosta të shkojë te Spanja dhe të thojë që nuk vij dot në orar se kam për të nënshkruar një kontratë”, u shpreh ndër të tjera Panuçi.
Kujtojmë se Cikalleshi mbeti jashtë dy ndeshjeve të Kombëtares për shkak se kërkoi leje nga Panuçi që të vonohej për disa orë në mënyrë që të nënshkruante kontratën e re me klubin e tij në Turqi.
Mbase Panuçi ka zgjedhur mënyrën më radikale për të vendosur disiplinën në skuadër, duke bërë kështu që raste të tilla të mos përsëriten.
(E.K/SHUPLAKA)
Discussion about this post