Pasditen e sotme në kryeqytet, është rregjistruar një incident në një urban të linjës së Kombinatit. Policia e Tiranës bën me dije se një 35-vjeçar nga Rrësheni ka debatuar ashpër me një punonjës të urbanit, madje edhe fizikisht saqeë ka shkuar puna deri në thyerjen e xhamave të autobusit.
Mësohet se ngjarja ka ndodhur rreth orës 18:45, tek rruga e “Kavajës”, pranë Kishës Katolike.
“Ngjarja është regjistruar rreth orës 18:45, në autobusin e linjes së Kombinatit, tek rruga e “Kavajës”, pranë Kishës Katolike, kur M. P., 35 vjeç udhëtar në këtë autobus është konfliktuar me punonjësit e linjës urbane dhe ka dëmtuar (thyer), xhamin e autobusit.”, thuhet në njoftimin e policisë.
Të shqetësuar nga situate e tensionuar, pasagjerët e tjerë kanë njoftuar Nr e emergjencave 112 dhë për këtë arsye efektivët e policisë kanë shkuar në vendngjarje dhe kanë shoqëruar mirditorin në Komisariat. (D.D/Shuplaka)
