Nxehet situata, deputetja e Shkodrës i kujton Ruçit masakrën e 2 prillit. Kreu i Kuvendit përgjigjet

Situata në seancën e sotme parlamentare është nxehur mjaft. Sikur të mos mjaftonte bllokimi që iu bë sinjalit të mediave, edhe mes palëve ka pasur replika të shumta.

Izmira Ulqinaku i ka kujtuar Ruçit masakrën e 2 Prillit 1991 në Shkodër. Ndërsa Ruçi i ka kujtuar asaj moshën e re.

Izmira Ulqinaku: Etika ma do që fjalën ta filloj siç do ishte më normalja, duke përshëndetur edhe kryetarin e Kuvendit por historia e familjes time nuk ma lejon. Jam mbesa e një prej dëshmorëve të 2 Prillit të vitit 1991. Nuk e kisha menduar se do të flisja ndonjëherë në parlamentin shqiptar, pas 27 viteve pluralizëm dhe kryetar i saj të ishte Gramoz Ruçi, protagonisti i ngjarjes.

 Vendosja e ish ministrit të Brendshëm të diktaturës komuniste përbën një prej njollave më të zeza të parlamentit pluralist shqiptar. Zoti kryeministër, kur në kabinetin qeveritar përfshitë dy shkodranët Mesi e Bushati i kam mirëpritur me shpresën se edhe pse i përkasin krahut tjetër politik, mund të kenë një qasje më të mirë me Shkodrën ndryshe nga ajo që kanë ndodhur katër vitet e fundit në qeverisjen tuaj.

Por, vendosja e zotit Ruçi në krye të Kuvendit jo vetëm është një karshillëk ndaj të gjithë të persekutuarve dhe atyre që vuajtën diktaturën komuniste, por mbi të gjitha është një përdhosje e qytetarisë shkodrane e cila u persekutua nga ai regjim.

Gramoz Ruçi: Një sqarim të vogël, në raport me Shkodrën në vitet 91 92, fole për një kohë që s’është faji yt që ishe disamuajshe, që ishe 1 vjece në vitin 92, për ato që fole, mes piacës, mes gjyqit dhe s’është prapë faji jot që mund ta ndiqje… mes Rucit të shkodranëve dhe jam i lumtur që më kanë mirëpritur me duar në xhepa dhe mundohu të njohësh historinë e fakteve.

Por pas kësaj opozita ka tentuar të prishë seancën, duke i rënë tavolinave me dorë, pasi Ruçi nuk i dha te drejten e replikes deputetes Ulqinaku. Po ashtu kreu i Partisë Lulzim Basha është parë të dalë nga salla e Kuvendit.

Zgjedhja e Ruçit në krye të Kuvendit është shoqëruar me kontestime të shumta në rradhët e ish-të përndjekurve politikë dhe përfaqësuesve të PD-së. 

(E.K/SHUPLAKA)