“Burg pa afat” është vendosur për drejtorin e shkollës në Kozare të Kuçovës, i identifikuar si Ajaz Ajazi 63 vjeç.
Ai u arrestua pak ditë më parë për veprën e ngacmimit seksual. Ndalimi i 63-vjeçarit u krye menjëherë pasi prindërit e tri nxënësve e denoncuan në polici.
Burime të policisë u shprehën se dyshohet që ngjarja të ketë ndodhur në 3 muajt e fundit. “Mësuesi i gjeografisë na fliste edhe për tema seksi në orën e mësimit”, janë shprehur ndër të tjera nxënëset gjatë dëshmive të tyre.
Vetë drejtori Ajaz Ajazi, nuk e ka pranuar akuzën e nxënëseve të tij për ngacmim seksual: “Unë nuk kamë bërë në asnjë mënyrë aty veprime, por i kam këshilluar ndonjëherë nxënëset e mia, pasi janë në një moshë delikate.”
Ndërkaq familjarët e tij shprehen se masa e sigurisë ndaj tij është e padrejtë, një sajesë e planifikuar më së miri: “Sajesë nga ata që duan të na zënë vendin e punës”. (XH.A/SHUPLAKA)
