Rreth orës 09:30 të mëngjesit të sotëm është tërhequr trupi i pajetë i viktimës së parë të gjetur, shkaktuar nga orteku i fuqishëm që goditi një hotel në zonën turistike në Pescara.
Referuar raportimeve të “Corriere della Sera”, viktima e parë është tërhequr këtë mëngjes, ndërkohë që dy persona që në momentin e goditjes nga orteku ishin jashtë, janë shpëtuar nga ekipet e shpëtimit.
Një turist, me profesion kuzhinier, i cili arriti të shpëtonte veten, është i shqetësuar për fatin e bashkëshortes së tij dhe fëmijëve që ndodheshin brenda hotelit “Rigopiano”.
“Kam humbur çdo gjë. Aty brenda ndodhen gruaja dhe dy bijtë e mi, Ludovica 6 vjeç dhe Gianfilippo 8 vjeç”, është shprehur turisti. Ai është njëri prej dy personave të shpëtuar. (XH.A/SHUPLAKA)
[ngg_images source=”galleries” container_ids=”835″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post