Të shtunën e ardhshme në datën 27 janar opozita e bashkuar do të zbresë në shesh për të protestuar.
Deputeti socialist Erion Braçe në tentativë për të treguar se nuk do ta ndjekë protestën zbuloi se të dielën ia dedikon gatimit dhe sportit.
Ama harroi se në këtë rast bëri një lapsus të vogël, pasi protesta është të shtunën dhe jo të dielën.
Por teksa gazetarja Ilva Tare i kujtoi se 27 janari është ditë e shtunë, Braçe tha përsëri se ka axhendën e zënë.
Braçe: Mos më pyesni për gjëra që nuk vlejnë.Është ditë e dielë, zakonisht unë të dielën gatuaj dhe shoh sport.
Unë nuk e kam shtëpinë para Kryeministrisë. Qeveritë nuk rrëzohen me protesta por me votë.Kanë ardhur në pushtet me votë dhe rrëzohen me votë.
Nëse dikush që i ka qyl të gjitha në këtë jetë duke filluar nga shkolla, shtëpia, gruaja, partia, bashkia, ministria dhe lëkët e pasurisë si këto 10 mln e famshme të kësaj jave duhet të ulet në tokë dhe të kuptojë që paraja e madhe është e keqja e të zotit.
Lekët qyl ja dha drejtësia që mungon në këtë vend. Gjithë ai ndërtim atje është i paligjshëm, është ndërtuar në pronë të vjedhur, të falsifikuar. Është zgjeruar gjurma e pronës në det.
Është dhënë një leje e paligjshme në kushte shantazhi.Është hipotekuar po përsëri në kushte paligjshmërie.Kjo çështje nuk është hetuar asnjë ditë.Të gjitha janë denoncuar dhe janë në prokurori.
Tare: Është të shtunën protesta, nëse gatuani vetëm të dielën mund ta ndiqni.
Braçe: Të shtunën jam në Divjakë, ditën time me pelikanët e kam më të zënë sesa me u marr me … E lëmë këtë histori se do të them ndonjë fjalë më tepër, kam respekt edhe për kafshët.
