Sektori i bujqësisë në Shqipëri po përballet me sfida të mëdha që rrezikojnë qëndrueshmërinë dhe zhvillimin e tij afatgjatë. Në një analizë të fundit, ekspertët theksojnë se bujqësia duhet të dalë nga stanjacioni dhe kriza që po përjeton përmes reformave të thella dhe mbështetjes më të madhe institucionale.
Problemet kryesore të sektorit janë: mungesa e investimeve të qëndrueshme, teknologji të vjetëruara, varësia nga subvencionet dhe vështirësitë në aksesimin e tregjeve të brendshme dhe të jashtme. Për të ndryshuar këtë situatë, duhet të punohet intensivisht në modernizimin e procesit të prodhimit, përmirësimin e infrastrukturës rurale dhe rritjen e kapaciteteve të fermerëve për të përballuar konkurrencën.
Ekspertët sugjerojnë edhe një riorientim drejt bujqësisë së qëndrueshme, me fokus në produkte cilësore dhe zhvillimin e zinxhirit të vlerës, duke përfshirë përpunimin dhe marketingun. Vetëm kështu sektori mund të ndihmojë në zhvillimin ekonomik të zonave rurale dhe në rritjen e sigurisë ushqimore./MONITOR
