Janë pezulluar nga detyra për shkak të rrjedhjes së informacionit mbi armët e sekuestruara disa ditë më parë, 4 polici me detyra drejtuese në Qarkun e Elbasanit.
Mësohet se mes personave të pezulluar është edhe Komisari Bilal Semanaj, 50-vjeç deri më 4 Prill të 2019 Shef i Komisariatit të Policisë Peqin që u transferua dhe emërua njëkohësisht Shef i Komisariatit të Policisë Cërrik po në këtë datë.
Policia ka pezulluar gjithashtu edhe shefin e krimeve në Komisariatin e Cërrikut Albjon Xhitozi 45-vjeç shefi i krimeve ne komisariatin e Cerriku
Gjithashtu janë pezulluar edhe 2 përfaqësues të tjerë të bluve të Elbasanit, përkatësisht:
E.H., 40-vjeç inspektor krimesh në Komisariatin e Elbasanit
E.GJ.,41-vjeç specialist i krimeve në Elbasan
Personat në fjalë janë pezulluar se nxorën informacion për armët, dhe akuzohen për “shpërdorim detyre” dhe “zbulim i të dhënave sekrete”.
Njoftimi i Policise:
Drejtoria Rajonale e Shërbimit për Çështjet e Brendshme dhe Ankesat (SHÇBA) në bashkëpunim me Prokurorinë e Rrethit Elbasan, në vijim të procedimit penal të filluar për ekspozimin e arsenalit të armëve në qytetin e Elbasanit, ka bërë sot ekzekutimin e vendimeve të Gjykatës së Rrethit Gjyqësor Elbasan për “Pezullim të ushtrimit të detyrës” për 4 punonjës policie ne nivel drejtues.
SHÇBA Elbasan ekzekutoi vendimin e Gjykates se Elbasanit vendosi masat e sigurisë “Pezullim i ushtrimit të detyrës, në mungesë”, si persona të dyshuar për veprat penale të parashikuar nga nenet 248 dhe 259/a/3 të Kodit Penal për ta.
Vendimet janë:
– Gjykata ka vendosur “Pezullim i ushtrimit të detyrës” për Kryekomisar B.S., 50 vjeç, me detyrë Shef i Komisariatit të Policisë Cërrik, si person i dyshuar për veprën penale “Shpërdorim i detyrës” dhe “Zbulimi i akteve ose të dhënave sekrete”;
– Gjykata ka vendosur “Pezullim i ushtrimit të detyrës” për Komisar A.XH., 45 vjeç, me detyrë Shef i Krimeve në Komisariatin e Policisë Cërrik, si person i dyshuar për veprën penale “Shpërdorim i detyrës” dhe “Zbulimi i akteve ose të dhënave sekrete”;
– Gjykata ka vendosur “Pezullim i ushtrimit të detyrës” për Nënkomisar E.GJ., 41 vjeç, me detyrë Specialist për Hetimin e Krimeve në Komisariatin e Policisë Elbasan, si person i dyshuar për veprën penale “Shpërdorim i detyrës” dhe “Zbulimi i akteve ose të dhënave sekrete”;
– Gjykata ka vendosur “Pezullim i ushtrimit të detyrës” për Nënkomisar E.H., 40 vjeç, me detyrë Specialist për Hetimin e Krimeve në Komisariatin e Policisë Elbasan, si person i dyshuar për veprën penale “Shpërdorim i detyrës” dhe “Zbulimi i akteve ose të dhënave sekrete”.
(F.GJ/FAXWEB.AL)
Discussion about this post