Koordinatori i ‘daljes nga izolimi’ i qeverisë franceze, Jean Castex, u largua nga ky post përmes një videokonference me presidentin Macron ditën e sotme. Jean Castex u emërua në postin e kryeministrit pas dorëheqjes së Edouard Philippe. Philippe, dha dorëheqjen ditën e sotme pasi kori një fitore të madhe në qytetin portual të Le Havre në zgjedhjet e fundit lokale, duke e bërë atë kështu kryetarin e bashkisë së këtij qyteti.
Philippe, një politikan i djathtë icili nuk u bashkua kurrë me Lëvizjen e Macron”En Marche”, konsiderohet të jetë më popullor se presidenti, sipas analistëve politikë. Philippe kishte treguar besnikëri të palëkundur gjatë valëve të trazirave dhe mund të shfaqej si një rival presidencial në 2022 duke rrezikuar dhe rizgjedhjen e vetë Macron.
Në një intervistë me gazetat rajonale të botuara të enjten vonë, Macron tha se Franca duhet të përgatitet për një krizë “shumë të vështirë” ekonomike, “kështu që ne duhet të përcaktojmë një kurs të ri”. “Unë e shoh këtë bazuar në një rindërtim ekonomik, shoqëror, mjedisor dhe kulturor,” tha ai. ‘Pas kësaj, do të ketë një ekip të ri.’
