“O bab nana më ka marr, hajde na gjej në Tiranë”, shqiptari nga Shkupi denoncon zhdukjen e gruas dhe djalit 10-vjeçar

Një shtetas shqiptar nga Shkupi ka denoncuar në polici zhdukjen e bashkëshortes së tij dhe djalit të tyre 10-vjeçar. Ai ka bërë me dije se ata janë larguar prej të shtunës së kaluar.

Nafi Zeqiri ngre shqetësimin se bashkëshortja është me probleme psikike, ka një damar në ballë, çka e vështirëson gjendjen e tyre. Shtetasi nga Shkupi ka denoncuar dje në Policinë e Tiranës rastin, pas mesazhit të të birit në “Viber”: “O bab nana më ka marrë, jam mërzit shumë. Hajde na gjej në Tiranë”.

Mësohet se Nafi Zeqiri ka ngritur dyshimet se pas zhdukjes së tyre fshihet qiramarrësi, duke iu referuar burimeve për një televizion. Ai dyshon se bashkëfajtor në këtë zhdukje mund të jetë qiraxhiu nga Shkodra, Marku, i cili kishte një muaj që qëndronte me nusen e tij shtatzënë në familjen e Nafi Zeqirit. Sipas tij, bashkëshortja e Markut, i ka kërkuar gruas së Nafi Zeqirit, ta ndihmojë për ta dërguar në spital.

(XH.A/SHUPLAKA)