Lulzim Basha me Kolalicionin Euroatlantik nuk ka mundur të sigurojë asnjë mandat duke mbledhur vetëm 18982 vota. Diss-et gjatë fushatës kanë shkuar dëm, pasi Basha nuk arriti që përmes tyre të sigurojë karrige në Kuvendin e Republikës së Shqipërisë. Basha e konsideroi fushatën një shfaqje të “rrepit”, ku çdo premtim apo sulm ndaj Ramës ishte një “diss” i mrekullueshëm, por që në fund të fundit, i dha vetëm “like” dhe jo fitoren e madhe që ëndërroi. Për çdo “diss” mori vëmendjen në rrjetet sociale, pra gjithçka që fitoi ishte një mori “like”-esh.
Për Bashë-n, mund të duket mjaft mirë të kesh “like” në Instagram, por me 85 mandate të fituara nga Rama, Basha tashmë nuk ka asnjë vlerë në fushatën politike. Nuk ka dyshim që Basha është një mjeshtër i “disseve”, por jo fitoreve. Në fund të fundit, Basha ia doli të krijonte një platformë të vetme, ku mundi të ndante vargje dhe këngë të Unikkatilit, por ndoshta ai harroi diçka të rëndësishme: kjo nuk ishte një konkurs për kush është më i mirë në rrjetet sociale, apo rep por një fushatë politike për të fituar zemrat e shqiptarëve.
Rezultatet ishin të qarta: Rama fitoi 85 mandate, Basha mbeti me disa video që ngjanin më shumë me një shfaqje për t’u pëlqyer në rrjetet sociale. Dhe kjo, ndoshta, është gjithçka që duhej të dinte Basha për fundin e kësaj beteje. Nëse Basha kishte menduar se “7 herë 7 baraz 313” do të shndërrohej në një fitore, realiteti është ndryshe. Rama, i qetë dhe i qëndrueshëm, e ka mposhtur këtë betejë me Bashën pa asnjë problem. Në fund të fundit, “like”-et janë ‘hiç’ por mandatet janë ato që përcaktojnë politikën.
O Bashe…7×7= mbi 80 mandate për PS! Ku je o Bashe?! Ngele përsëri në klasë!
