Naftëtarët në Ballsh kanë pasur sot një përplasje me Policinë, për shkak të rrogave të tyre të prapambetura dhe statusit që ende mbetet pezull.
Me forcë ata arritën të hyjnë në uzinë, duke u përplasur me administratorin e firmës private dhe forcat e sigurisë.
Naftëtarët iu kanë bërë thirrje kolegëve të tjerë t’i bashkohen kauzës së tyre. Kreu i sindikatës Kamber Iljazi u ka bërë thirrje të gjithë naftëtarëve që të mos nisin punën deri në zgjidhjen e kërkesave të tyre.
“Bëj thirrje që të nisim menjëherë negociatat deri në zgjidhje, qoftë në Tiranë, qoftë në Londër, kudo që të jetë ai. Nga sot nuk do të hyjë më një këmbë punëtori pa zbatuar ligjet dhe rregullat e Republikës së Shqipërisë. Asnjë të mos stuket në repartee, të qëndrojmë solid në kërkesat tona. Ose të nënshkruhet kontrata o asnjë të mos nisë punën”, u shpreh Iljazi.
(E.K/FAXWEB)
https://www.youtube.com/watch?v=745GzhUXjFM&feature=youtu.be
