Gjejnë momentin kur ka sa më pak vëmendje nga ana e fshatarëve që kanë dalë me frikë për të shitur perime dhe produkte të tjera bujqësore, dhe godasin.
Kjo është strategjia e re e punonjësve të Policisë Bashkiake të Tiranës dhe mënyrës sesi ata do ta luftojnë ‘’krimin’’.
Jo më larg se mëngjesin e sotëm, situatë e cila të ngjan fotokopje me të gjitha rastet e tjera bërë publike kryesisht në mediat sociale, ndodhi në zonën e Ali Demit, ku Policia u mori paratë e bukës së gojës rreth 10 familjeve.
”O zot i madh çfarë më bënë këta mua”, këto kanë qenë britmat e njërës prej grave që ishin aty, në përpjekje për të shpëtuar ç’të mundnin nga ato që kishin nxjerrë për të shitur. Të tjerë morën arkat dhe vrapuan, ndërsa policët më shumë se të vendosur në aksionin e tyre.
Thasët me perime që me siguri do të ndahen pasdite, ose do të hidhen në ndonjë vend grumbullimi, fshatarëve ju rëndojnë shumë, ndërsa shtetit iu mjaftojnë për të treguar muskujt, në pamundësi për aksione që kanë të bëjnë me kriminelë prej vërteti.
(E.K/FAXWEB.AL)
https://www.youtube.com/watch?v=HWBCOmxEuvU&feature=youtu.be
Discussion about this post