Ish- presidenti amerikan Barack Obama ka shprehur publikisht mbështetjen e tij ndaj kandidatit Emmanuel Macron në raundin e dytë të presidencialeve që mbahen në Francë.
Me një video mesazh të postuar dje në llogarinë e zotit Macron në “Twitter”, Obama deklaronte se ai e mbështeste kandidatin e qendrës për shkak të rëndësisë së këtyre zgjedhjeve.
“E kam admiruar fushatën që ka drejtuar Emmanuel Macron. Ai u ka qëndruar vlerave liberale”, thotë ish presidenti amerikan Obama.
Sipas Obamës, Macron ka vendosur përpara vizionin për rolin e rëndësishëm që luan Franca në Evropë dhe në mbarë botën dhe është i përkushtuar për një të ardhmeje më të mirë për popullin francez.
Ndërkohë presidenti Trump ka vlerësuar kundërshtaren e Macron, kandidaten e ekstremit të djathtë Marine Le Pen edhe pse ai nuk e ka mbështetur atë në mënyrë të qartë.
“Ajo ka qëndrimet më të forta lidhur me çështjen e kufijve dhe është më e ashpër me gjithshka po ndodh në Francë”, ka thënë zoti Trump. Kushdo që është më i ashpër ndaj terrorizmit radikal islamik dhe kushdo që është më i ashpër për të forcuar kufijtë, do të dalë mirë në zgjedhje”, -ka deklaruar Trump.në një intervistë për “The Associated Press”.
(M.D/Shuplaka)
