Një shkrim i Observatorit Europian për Krimin dhe Sigurinë, zbulon se kokaina që u kap dy ditë më parë në Maminas, i përkiste një grupi të lidhur me kartelin “Clan de Golfo”.
Shkrimi i plotë:
“Rreth 613 kilogramë kokainë të fshehura në një konteiner bananesh janë zbuluar në Portin e Durrësit në Shqipëri, në një operacion të koordinuar me Flotën Kolumbiane, agjencitë ndërkombëtare dhe policinë shqiptare.
Droga ishte nisur nga Kolumbia në mes të janarit, dhe ka bërë disa ndalesa përpara se të mbërrinte në Shqipëri. Informacioni i paraqitur nga agjencitë pjesëmarrëse lejoi policinë shqiptare të kryente operacionin e kapjes së drogës, që i përkiste një kompanie shqiptare.
Kokaina e kapur i përket një grupi të lidhur me kartelin famëkeq “Clan de Golfo”.
Ky kartel është përgjegjës për dërgimin e sasive të mëdha të narkotikëve në portet e ndryshme të Europës.”
Burimi: eu-ocs.com
Përshtati në shqip: F.G/Faxweb.al
