Lojtari i kombëtares së Shqipërisë Odise Roshi mbush 26 vjeç. Mes shumë urimeve ,Roshi, ose siç njihet ndryshe “Raketa” ka marrë dhe një urim nga Bekim Balaj, i cili e ka uruar bashkëkombasin e tij të bëhet 100 vjeç. Dyshja Balaj – Roshi janë miq të ngushtë dhe në Kombëtare dhe në fushën e lojës merren vesh shum mirë me njëri tjetrin.
Kujtojmë që në ndeshjen ndaj Portugalisë gjatë eleminatoreve të “Euro 2016” falë një kombinimi fantastik mes tyre Shqipëria arriti të marrë 3 pikë në Portugali, fitorja në Potugali pati rëndësi jetike për kualifikimin e Kombëtares tonë në Europian.
Mbetet për t’u parë nëse De Biasi do të ftojë dyshen sulmuese për ndeshjen ndaj Izraelit për eliminatoret e Botërorit “Rusi 2018”.
Bekim Balaj dhe Odise Roshi luajnë së bashku në të njëjtin ekip në Rusi, ata përfaqësojnë ngjyrat Terek Grozny. (B.H/Shuplaka)
Discussion about this post