Pas publikimit të lajmit dhe videos, ku shihej qartë sjellja jashtë çdo norme e punonjësit të Institutit të Sigurimeve Shoqërore Tiranë ndaj një qytetareje që priste t’i shërbehej, drejtori i sigurimeve shoqërore, Astrit Ado, vendosi menjëherë largimin e tij nga puna.
Punonjësi në fjalë është shtetasi Jani Xherao dhe sipas njoftimit të ISSH-së ishte në marrëdhënie pune provizore që nga data 1 nëntor i këtij viti.
“Jani Xherao ishte në marrëdhënie pune provizore, duke filluar nga 1 nëntor 2016, me detyrë operator, në Agjencinë Lokale të Sigurimeve Shoqërore Tiranë. Ndaj tij u mor masa e shkarkimit, ndërkohë që do të ndiqen dhe rrugët e mëtejshme administrative. Instituti i Sigurimeve Shoqërore falënderon mediat për bashkëpunimin, duke kontribuar që asnjë qytetar të mos ndihet i diskriminuar në shërbimin ndaj tyre nga punonjësit e sigurimeve shoqërore”, thuhet në njoftimin për shtyp të ISSH-së.
Ja denoncimi i plotë i qytetares:
“Pershendetje. Jam nje qytetare qe sot paradite doja te merrja nje sherbim ne zyrat e sig. shoqerore te Tiranes. Por u perballem me nje sjellje skandaloze te nje punonjesi sherbime te kesaj zyre. Kjo eshte vetem nje pjese e asaj ngjarjeje sa pata mundesi te filmoj. Por ju siguroj qe fjalori i perdorur perpara ishte edhe me banal. Na quante zhaba e zhapinj, ju liroj nenat etj. Eshte vertete e trishte, sepse ne s’kerkojme te bejne asgje me shume sesa paguhen nga ne, per te bere. Por kjo eshte e turpshme. Te trajtohesh si lecke, nga dikush qe merr rrogen prej teje. E turpshme! Po ju nis videon”, shkruan zonja në denoncimin e saj.
Discussion about this post