Forcat e Ndërhyrjes së Shpejtë po vijojnë aksionet për kontrollin e automjeteve luksoze.
Kontrollet bëhen për verifikime nëse automjetet u përkasin personave me rekorde kriminale apo për verifikim në sistem nëse rezultojnë të vjedhura.
Në qytetin e Fierit raportohet se ka pasur kontrolle tek vendi i quajtur Vija e Ngjalës në hyrje të Fierit.
Aksioni ka nisur në 9 e 30 dhe do të realizohet deri në orën 12. Aksioni është ndërmarrë nga strukturat e DVP dhe FNSH Fier të cilët kanë zhvilluar një aksion kontrolli në akset kryesore të qytetit.
Ndërkohë në Shkodër në pikën kufitare Shkodër-Hani i Hotit, është zbatuar urdhëri i Ardi Veliut për kontrollin dhe sekuestrimin e mjeteve luksoze. Në Shkodër gjatë ditës së djeshme janë bllokuar vetëm tre automjete luksoze, për verifikim.
Po ashtu aksione për verfikimin e makinave luksoze po kryehen edhe në Elbasan, Vlorë dhe Gjirokastër.
Në Vlorë ka pasur disa të shoqëruar dhe pritet që operacioni të zgjasë rreth tre ditë, ndërkohë që gazetarja e Fax News raporton se qyteti është “boshatisur” nga makinat luksoze.
Sipas burimeve nga Policia e Shtetit për Fax News, në total në të gjithë vendin janë nënshtruar verifikimeve mbi 100 automjete luksoze të cilat janë të vit prodhimit nga 2016-2020.
Sipas burimeve pjesa me e madhe janë liruar ndërsa pjesa tjetër vijojnë të jenë të bllokuar për shakak se pritet informacion nga vendi i origjinës së prodhimit të makinës.
Ndërsa ky aksion për verifikim e automjeteve të luksit, është bërë pasi mund ti vijë në ndihmë edhe OFL-së për verifikimet që po kryhen. Gjithashtu për personat e shoqëruar në të gjithë vendin nuk është konstatuar ndonjë person me rrezikshmëri kriminale, por jane duke u mbajtur nën vëzhgim, pasi disa prej tyre janë përdorues të lëndeve narkotike.
Sipas burimeve mjetet dhe personat shoqërohen dhe verifikohen. Kontrollohet nga trafiqet dokumentacioni. Verifikohet në sistem mos është e vjedhur. Ekspertët shikojn shasine mos ka ndërhyrje.
(M.Q/Faxweb.al)
Discussion about this post