Komenti i Erjona Sulejmanit te fotoja e Romelu Lukakut, ka bërë bujë edhe në mediat italiane. Modelja shqiptare e komplimentonte sulmuesin belg për muskujt e këmbëve.
Ndërkaq, komenti i saj është keqpërdorur nga sajti i njohur italian, “Mediaset”. Kjo media ka ndryshuar komentin e Erjonës për të fituar ndoshta disa klikime më shumë.
Ata kanë shkruar: O Zot, çfarë këmbe të ‘tretë’ që ka?!”.
Kjo gjë nuk i ka pëlqyer aspak modeles shqiptare e cila ka sulmuar menjëherë Mediaset-in për artikullin e botuar, madje duke postuar edhe foton.
“A jeni normalë që shkruani të tilla idiotësira?!”- shkruan Erjona.
Kujtojmë që Erjona Sulejmani, ish-bashkëshortja e Blerim Xhemajlit njihet nga të gjithë si një fanse e madhe e futblloit dhe gjithmonë shkakton debat me statuset e saj në rrjetet sociale në lidhje me futbollistët, apo këtë sport.
