“Oh sa dhimbje, oh sa lot…”, ndahet nga jeta aktorja e “Përallë nga e kaluara”

Aktorja e njohur e filmit shqiptar “Përrallë nga e kaluara”, Mira Minga Jupi ka ndërruar jetë ditën e sotme në Shtetet e Bashkuara të Amerikës. Ajo jetonte në Amerikë prej 19 vitesh, ndërsa lajmin për ndarjen nga jeta e dha mikesah e saj Shegushe Bebeti në rrjetet sociale. Ajo shprehet mjaft e trishtuar për këtë humbje dhe për faktin që nuk i jep dot lamtumirën.

“Oh sa dhimbje…oh sa lot…nuk gjej dot fjalë ta përshkruaj…sapo më erdhi lajmi nga Amerika, është ndarë nga jeta mikja ime e shtrenjtë Mira Minga Jupi, aktorja e mrekullueshme e Teatrit të Kukullave gruaja ideale, nëna e jashtëzakonshme që do t’i mungojë aq shumë familjes.

Mira e talentuar, aq bujare, aq punëtore e zemërbardhë, u largua në Amerikë para 19 vitesh e sot largohet nga jeta, e ne nuk kemi mundësi t’i japim lamtumirën e fundit…qofsh e parajsës mikja ime e mirë e dheun e huaj e paç të lehtë. Do të më mungosh aq shumë e kafenë nuk do ta pimë më bashkë nëpërmjet Skype, do të kujtoj gjithmonë me shumë dashuri e dhimbje. Ngushëllime familjes e miqve që të deshën aq shumë”, ka shkruar Shegushe Bebeti.

(M. I./ Faxweb.al)