Organizata e Kombeve të Bashkuara shpreh keqardhje të thellë për vendimin e presidentit amerikan Donald Trump për të nënshkruar një urdhër ekzekutiv që autorizon sanksione ekonomike agresive kundër Gjykatës Ndërkombëtare Penale (ICC).
OKB i kërkon Trump që të anulojë masën.
“Na vjen keq shumë për sanksionet individuale të shpallura dje kundër personelit të gjykatës dhe bëjmë thirrje që kjo masë të anulohet”, tha zëdhënësja e zyrës së OKB-së për të drejtat e njeriut Ravina Shamdasani , raporton Agence France-Presse (AFP).
“GJPN-ja dënon publikimin nga Shtetet e Bashkuara të një urdhri që synon të vendosë sanksione ndaj zyrtarëve të saj dhe të dëmtojë punën e saj të pavarur dhe të paanshme gjyqësore ,” theksoi Gjykata në një deklaratë.
“Gjykata mbështet plotësisht stafin e saj dhe është e përkushtuar të vazhdojë të japë drejtësi dhe të rivendosë shpresën për miliona viktima të pafajshme të mizorive në mbarë botën, sa herë që kërkohet”, thuhet në deklaratë.
Dje, presidenti republikan i SHBA-ve nënshkroi një urdhër ekzekutiv për vendosjen e sanksioneve ndaj GJNP-së, të cilën ai e akuzoi për “veprime të paligjshme dhe të pabaza kundër Amerikës dhe aleatit tonë të ngushtë, Izraelit”.
Si pjesë e këtyre sanksioneve, zyrtarëve të lartë të GJNP-së dhe punonjësve të tjerë u ndalohet hyrja në Shtetet e Bashkuara, si dhe të afërmve të tyre të ngushtë dhe kujtdo që mendohet se ka bashkëpunuar me hetimet e Gjykatës, ndërsa pasuritë e tyre në Shtetet e Bashkuara janë gjithashtu të ngrira.
Nga ana e tij, ministri i Jashtëm izraelit Gideon Sha’ar ” përgëzoi ” Trump për vendimin e tij.
“Ne u bëjmë thirrje 125 vendeve anëtare, shoqërisë civile dhe të gjitha shteteve të botës që të bashkohen në mbështetje të drejtësisë dhe të drejtave themelore të njeriut,” përfundoi ICC .
Discussion about this post