Komiteti Hetimor i Organizatës së Kombeve të Bashkuara, në bashkëpunim me Organizatën për Ndalimin e Armëve Kimike (ONAK), kanë kërkuar nga qeveria siriane që të dorëzojë emrat e atyre komandantëve që dyshohet se kanë përdorur armë kimike në Siri.
Bëhet fjalë për një raport të publikuar së fundmi nga Organizata e Kombeve të Bashkuara.
Ekipet e OKB-së që kanë kryer inspektime në terren, kanë vërtetuar se ushtria e presidentit Bashar al-Assad ka përdorur armë kimike gjatë sulmeve ndaj popullatës civile. Por këto sulme janë mohuar vazhdimisht nga ana e regjimit vendas. (XH.A/SHUPLAKA)
