Organizata e Kombeve të Bashkuara ka ngritur së fundmi alarmin për mbytjen e 250 refugjatëve në Detin Mesdhe, pas fundosjes së dy anijeve, përkatësisht më 5 dhe 7 maj.
“Mbytja e anijes së parë ndodhi të premten në mbrëmje, kur një anije gomone u mbyt pas disa orësh lundrim me 132 njerëz në bord. Rreth 50 vetë u shpëtuan dhe u zbarkuan në Pozzallo (Sicili) të dielën më 7 maj. Rreth 82 vetë dyshohet të kenë vdekur ose të kenë humbur.
Një tjetër mbytje anijeje u shënua në brigjet e Libisë të dielën, më 7 maj. Sipas një prej partnerëve tanë, Trupat Mjekësorë Ndërkombëtarë, një grua dhe gjashtë burra u shpëtuan nga rojet bregdetare libiane. Rreth 163 persona dyshohet të kenë vdekur ose të kenë humbur.”, bën me dije OKB në deklaratën e e saj.
Deri më tani në 2017-ën, numërohen mbi 43,000 emigrantë dhe azilkërkues, të cilët kanë përdorur rrugën e Mesdheut qendror për të arritur në Itali.
(XH.A/SHUPLAKA)
Discussion about this post