Konkurrenti i “Përputhen”, Alban Dyrmishi, është larguar nga ky format televiziv për shkak të një interviste që ka dhënë në një media online. Lajmin e ka bërë të ditur vet Dyrmishi, i cili përmes një postimi në Instastory shkruan se ka marrë një mesazh nga autorja e programit.
“Tani sapo më lajmëruan që për shkak të intervistës që unë kam dhënë jam përjashtuar nga emisioni, zakonisht nuk dua të prish gojën po këta njerëz e meritojnë”, shkruan Albani.
Më pas, ai ka akuzuar autoren e programit, Olsa Muhametin, se intervista ka qenë thjesht një pretekst.
“Prej kohësh autorja e këtij programi nuk po e duronte dot mosservilizmin dhe mosbindjen time ndaj skenareve të saj amatore dhe dashakeqe, ndaj gjeti rastin sot dhe vendosi duke mos pas guximin të më kontaktoj vet personalisht po nëpërmjet vartëses së saj me pretekst intervistën time, falenderoj të gjithë ata që më kan mbështet këto kohë, dhe jam krenar që su bëra kurr pjes e asnji skenari dhe thash gjithmonë atë që desha. Olsa Shpresoj të gjesh burr, futu vet në përputhen se mosha ikën”, shkruan ish konkurenti i “Përputhen”, Alban Dyrmishi.
Por më pas ka reaguar edhe Olsa, e cila ka thënë se vendimi është marrë pasi Albani ka thyer rregullat.
“Albani ka thyer rregullat, ndaj edhe u përjashtua. Për sa kohë janë brenda programit, janë imazh i “Përputhen” dhe menaxhohen nga produksioni. Ai ka dhënë një intervistë pa marrë lejen e produksionit. Ka një kontratë që ia ndalon. Duhet të kishte kërkuar leje, produksioni e vlerëson nëse vlen si intervistë apo jo”, ka sqaruar Olsa.
Sipas autores së “Përputhen”, Albani ka qenë në dijeni të mënyrës së re se si procedohet, por ka zgjedhur ta anashkalojë.
Discussion about this post