Aktorja Olta Gixhari këtë të djelë në skenën e Teatrit Kombëtar do të luajë rolin e prostitutës Xheni, një nga rolet më sfiduese për të. Ajo ka ndarë me publikun disa foto të nxehta nga provat, ku shihet duke u puthur me aktorin Arben Derhemi.
Skenat e nxehta midis saj dhe aktorit duken kaq të vërteta, saqë janë komentuar goxha nëpër rrjetet sociale.
Derhemi i cili ka qenë sot i ftuar në emisionin “Rudina”, është shprehur se puthja është pjesë e detyrës skenike.
“Nëse ne nuk e ҫojmë detyrën skenike deri në fund, atëherë aktorët nuk flasin më me njëri-tjetrin”, është shprehur ai.
Ndërkaq Gixhari fton të gjithë fansat e saj që ta ndjekin në skenën e Teatrit Kombëtar, jo vetëm të djelën por edhe në ditët në vazhdim të kësaj jave.
“Të dashur miq këtë javë keni mundësi të më shihni në “Opera për 3 grosh” në datat 14-16”, shkruan Gixhari.
Komedia “Opera për tri grosh” e shkruar nga Vaclav Havel, është ripunim i “Operës së lypsarit” të dramaturgut anglez Xhon Geit.
Discussion about this post