Pasi Operacionit Ndërkombëtar i Monitorimit (ONM) kishte kërkuar procedim disiplinor për Komisionerin Publik Heral Soraçi, sot Kolegji i Apelimit ka vendosur ta shkarkojë për shkelje të rregullave të punës dhe për ndërhyrje tek puna e komisionerëve të tjerë.
Sipas Kolegjit të Posaçëm Sarçi u bë pengesë për rregulloren. Komisioneri Publik është një institucion i ngritur si pjesë e procesit të rivlerësimit të gjyqtarëve dhe prokurorëve, i cili ka për detyrë përfaqësimin e interesit publik gjatë kryerjes së vetingut.
Sipas Kushtetutës ky institucion ushtron apelimin e vendimeve të Komisionit të Pavarur të Kualifikimit në Kolegjin e Posaçëm të Apelimit dhe përgatit raporte me shkrim në rastet e refuzimit për moszbatimin e rekomandimeve te Operacionit Ndërkombëtar të Monitorimit për të paraqitur ankim ne Kolegjin e Apelimit.
Komisioneri Publik rivlerëson deklaratat e subjekteve, si dhe bashkëpunon me institucionet vendase dhe të huaja për të konfirmuar vërtetësinë e deklarimeve të gjyqtarëve dhe prokurorëve të marrë nën hetim.
Shkeljet u bënë publike nga gjyqtarja hetuese që në këtë rast ishte edhe kryetarja e kolegjit Natasha Mulaj. Komisioni Disiplinor përbëhet nga Sokol Çomo; Albana Shtylla dhe Ardian Hajdari. (B.H/Faxweb)
Discussion about this post