‘’Opeli” përplaset me trenin në Shkodër, si arriti të shpëtonte shoferi në minutat e fundit

Një aksident i rëndë ka ndodhur mëngjesin e sotëm në Shkodër. Makina është përplasur me trenin, po fatmirësisht nuk ka të lënduar.

Mjeti ‘’Opel” me targa AA459LJ është përplasur me trenin në zonën e Vukatanës. Aksidenti mendohet se ka ndodhur për shkak të një defekti që makina ka pësuar në momentet e fundit.

Fatmirësisht drejtuesi i mjetit e ka kuptuar në kohë rrezikun dhe është larguar nga mjeti në minutat e fundit. Ai ka qenë i vetëm në makinë në momentet e përplasjes.

Në fotot që sjell ‘’Shuplaka” shihet dhe vendi i aksidentit dhe dëmtimi i mjetit nga përplasja.

(E.K/SHUPLAKA)