Marsin e kaluar, si pjesë e një hetimi të nisur nga prokuroria publike e Lièges më shumë se gjashtë muaj më parë dhe që synonte një organizatë kriminale italo-shqiptare aktive në prodhimin dhe shitjen e lëndëve narkotike, policia kreu një kontroll në rrugën Grétry në Liège dhe çmontoi një plantacion kanabisi me rreth 700 bimë.
Në këtë proces, një person u arrestua dhe u vendos nën urdhër arresti. Sipas elementeve të ndryshme të hetimit, organizata dukej se ishte aktive në rishitjen e lëndëve narkotike (kokainë dhe kanabis) në zonën metropolitane të Lièges ku ishin vendosur edhe disa vende interesi.
“Më shumë se 80 oficerë policie u përfshinë në këtë operacion ,” konfirmoi Rosalie Heinen, zëdhënëse e zyrës së prokurorit publik të Lièges.” Kërkimet e ndryshme çuan në zbulimin dhe sekuestrimin e rreth 20,000 euro para cash, 150 gram kokainë, peshore precize, një armë, municion 9 mm, telefona inteligjentë dhe pajisje të tjera kompjuterike, karta SIM dhe dy makina të përdorura për trafikun e drogës.”
