Operacion antidroge në Tiranë, tre të arrestuar, kapet heroinë

Policia e kryeqytetit ka arrestuar  në zonën e “Myslym Shyrit” në flagrancë tre trafikantë të cilët po shkëmbenin heroinë dhe kanabis.

Tre trafikantët, emrat e të cilëve nuk dihen ende, kanë tentuar të largohen por kanë përfunduar duke u përplasur me automjetet e tyre.

Si rrjedhojë ka ndërhyrë policia ku  ka qëlluar me armë në ajër për ta  neutralizuar  gjendjen dhe i ka vënë në pranga të tre.

Blutë e Tiranës kanë sekuestruar gjithashtu edhe 1 kilogram heroinë.

Operacioni vijon me kontrollin e banesave të dy të arrestuarve, si dhe po kryhen verifikime për persona të tjerë të përfshirë në këtë rrjet të shitjes së drogës.(M.D/ Shuplaka)