Dy persona janë vënë në pranga dhe një tjetër do të hetohet në gjendje të lirë pas aksionit masiv që policia zhvilloi në Dibër. Mësohet se janë arrestuar:
Maksim Prençi, të cilit iu sekuestruan 3 kg lëndë narkotike, 30 metër kub lëndë drusore; Sami Toçi, të cilit iu sekuestruan armë zjarri dhe municione luftarake.
Gjatë kontrollit të ushtruar në banesën e Maksim Prençit në fshatin Muhurr të Dibrës, u gjet dhe sekuestrua rreth 3 kilogramë drogë në gjendje të thatë, në formën e boçes e future në dy thaës dhe në tre qese plastmasi. Policia evidentoi edhe rreth 30 metër kub lëndë drusore të prera në mënyrë të paligjshme.
Në banesën e shtetasit Sami Toçi 58 vjeç, banues në fshatin Arap i Poshtëm- Dibër, policia gjeti dhe sekuestroi një armë zjarri automatik model 56 (Kallashnikov) dhe një sasi prej 130 copë fishkë luftarak model 56 të futura në një thes që i mbante pa lejen e organeve kopetente.
Policia ka nisur procedimin penal ndaj shtetasit me iniciale R. M. që akuzohet për vjedhje të energjisë elektrike.
Discussion about this post